Тәрбие  жұмысының  мақсаты: Үздіксіз білім беру жүйесінде студент жастардың Қазақстан Республикасының азаматтары және патриоттары ретінде  қалыптасуы мен өзін – өзі  танытуларына негіз қалау, кәсіби интеллектуалды және әлеуметтік шығармашылыққа жетулеріне оңтайлы жағдай жасау, кәсіби білімді де білікті тұлға  қалыптастыру.

Тәрбие жұмысының  міндеттері:

1.  Қазақстан Республикасы  Білім және ғылым министрлігінің «Тәрбие тұжырымдамалық негіздерін бекіту туралы» 22.04.2015 жылғы № 227 бұйрығына сәйкес 2015–2020 жылдарға арналған  Тәрбиенің тұжырымдамалық негіздерін  басшылыққа алу;
2.  Жаңа демократиялық қоғамда өмір сүруге қабілетті азамат және патриотты тәрбиелеу;

3.Балалар мен жастардың құқықтық санасын, олардың балалар мен жастар ортасындағы қатыгездік пен зорлық – зомбылыққа қарсы тұру даярлығын қалыптастыру;

4. Тәрбиесі қиын студенттерге психологиялық тұрғыдан көмек көрсету, тәрбиелеу.  Әлеуметтік толықтай қамтылмаған отбасыларды жете анықтап, колледж әкімшілігімен, ата – аналар комитетімен бірлесе жұмыс жүргізу;

5. Тәрбие жұмыстарын ұйымдастыруда топ  жетекшілерімен жүргізілетін жұмыстарды күшейту; Топ жетекшілерінің жеке студентпен, тәрбие деңгейі төмен студентпен жүргізілетін  жұмыстарын ерекше бақылауға алу;

6. Студенттердің  білім – тәрбие сапасын арттыру, олардың дарындылығын айқындап, біліміне, ойлау қабілетіне ықпал ететін интеллектуалдық шараларды өз дәрежесінде ұйымдастыру;

7.  Студенттердің  бос уақытын тиімді ұйымдастыру  мақсатында   сабақтан  тыс үйірмелер, спорттық секциялар жұмысын жандандыру.

8. Ата – аналармен ынтымақтастықты нығайту.