Дуалды оқыту

Маңғыстау энергетикалық колледжінде дуалды оқыту жүйесі туралы

2016-2017  оқу  жылында Маңғыстау энергетикалық колледжінде  2  мамандық бойынша: 0906000-«Жылу электр  станцияларының жылуэнергетикалық қондырғылары» техник-энергетигі, 1302000-«Автоматтандыру және басқару» электрмеханигі мамандықтары  бойынша жұмыстық оқу жоспарын АҚ «РҒМО», Маңғыстау облыстық білім басқармасы, ЖШС «МАЭК Казатомпром» және Маңғыстау энергетикалық колледжі төрт жақты келісім шартпен бекітілді.  Жылдық жоспарын, тәжірибеден өту кестесін    ЖШС «МАЭК Казатомпром» және Маңғыстау энергетикалық колледжі біріге отырып жасалды және бекітілді.

АиУ-13, ТЭУ-42, топтарына осыған байланысты эксперименттік оқу жоспарлары жасақталып, «МАЭК Казатомпром» ЖШС мен келісілді.

Бұл эксперименттік алаңның міндеті:

-жұмыс берушілермен ынтымақтастықта  болу  арқылы  студенттердің өндіріске қажетті білім, білік дағдыларын және еңбекке орналасуға деген икемділігін арттыру;

— білім алушылардың әлеуметтік кепілдікке ие болуларына,  мемлекеттің кәсіби мамандарын даярлауға тапсырысының қалыптасуына және орындалуына, өндірістік мекемелерге жұмысқа бейімді білімді мамандардың келуіне, оқу орнының білім беру қызметіне сұраныстың артуына  деген мүдделерді жүзеге асыру;

— білім берудің  мемлекеттік стандарттарын жасауға жұмыс берушілерді қатыстырып, дуалдық жүйені кәсіптік білім беру үрдісіне енгізудің мүмкіндіктері мен алғы шарттарын қарастыру;

— бітірушілерді одан әрі жұмысқа орналастыру, жұмыссыздықты қысқартуға жұмыстану.

Маңғыстау энергетикалық колледжі  дуалды оқыту жүйесіне қатысты жұмыс жоспарына дипломалды тәжірибенің алдынан  білім алушыларды 108 сағат (11-сыныптан кейінгілерге),  9 – сыныптан кейінгілерге  144 сағат  көлемінде жаңа тәжірибе түрі оқушы- тағылымгер (студент- практикант) тәжірибесінен   өндірісте өткізуді енгізді.

0906000-«Жылу электр станцияларының жылу энергетикалық қондырғылары» мамандығы бойынша ТЭУ-42 тобы 01.09.2016-05.11.2016 оқу жылы технологиялық тәжірибесінен өтті, 27.02.2017-25.03.2017 оқу жылы аралығында оқушы-тағылымгер (студент-практикант) тәжірибесінен өтті, 27.03.2017-10.06.2017 оқу жылы  аралығында дипломалды тәжірибесінен өтті

1302000-«Автоматтандыру және басқару» мамандығы бойынша АиУ-13 тобы  24.10.2016 -12.11.2016 оқу жылы слесарь-механикалық тәжірибесінен өтті және 27.02.2017-18.03.2017 оқу жылы аралықтарында оқу тәжірибесінен колледж базасында өтті.

Басқа топтармен салыстырғанда 20-30% жоғары. АиУ-13 тобы үлгерім -100%, сапа 85%, ТЭУ-42 тобы үлгерім 100%, сапа көрсеткіші  75%.

       Колледждің негізгі әлеуметтік әріптес мекемесі «МАЭК – Казатомөнеркәсіп» ЖШС мекемесі кәсіби тәжірибеден өтуге келген оқушыларды арнайы киіммен, көлікпен, тегін ыстық тамақпен қамтамасыз етті.